目錄 登入會員 購物車 {{currentCart.getItemCount()}}

呢個資訊篇真係好岩女仔睇,記得share 比你地女仔朋友。

 

今次係要介紹3M Nexcare 抗水透明醫生膠布,基本上我一聽到有女仔朋友話刮腳,我就係手袋度拎出黎介紹返。

 

watsons/藥房有售,$23.9 (1吋x5碼)

一卷全新夠用半年至一年

差唔多7,8 年前,我係經同學仔介紹(袁x明都介紹過)。應該仲有好多女仔未識,所以一定一定一定要介紹返。女仔無論著高跟鞋,平底鞋,波鞋都有機會刮腳。男仔其實都會,但佢地唔講之嘛。刮腳係好痛苦,行步路都好辛苦。

 
要用係要用係乾皮膚上
Made in USA

伸展力力同痴力都好好。

質地方面,係超厚同硬身挺身,好岩用係腳爭位置。

網紋狀,一塊效果。唔需要用交剪既,紋理反方向撕就得!

中間再加多一塊,加強保護。

對比返膠布,都係3M 出品既膠布,明顯呢隻膠係厚身好多。

我地成日妄想普通膠布中間個位可以幫到唔刮腳,往往都唔係好幫到手。而且行行下甩出黎。結果,又痛又狼狽!

好好好好好好好好用,真係女性恩物之一,我長期放係手袋度,一刮就痴定。但要留意既係,如果隻腳已經刮損左,有傷口,千千千千千其唔好甘痴上去。你撕返走個隻個傷口會痛。

 

建議:先痴上普通膠布,要係上面加呢隻膠布,加多1,2 層保護。(有傷口的話)

 

當然,無野係完美既,平時無傷口撕走,係無咩感覺。但佢質地係偏有痴力既膠,所以係幾易痴住D衣物纖維(襪)。所以撕走個陣,係見到邊位有D 黑邊。只要沖涼時用多少少力就可以摔走,同埋只可以用一次,否則有更明顯膠邊位有黑邊。

 

但如果同刮腳個種痛比,呢個我完全唔認為係問題。大家一定要廣傳呢個產品比你身邊既女仔朋友呀!

 
>