目錄 登入會員 購物車 {{currentCart.getItemCount()}}

買左呢個amika 無線電髮器,盛惠HKD3180!!(好貴呀!)
amika 應該唯一一樣.....網上比門市買平一倍...我都寧願都係香港門市買既野...

因為外國訂返黎價錢可以平一半,除左得舊一代訂外(要轉插頭),最重要係香港門市買係永久保養!!
如其話係永久保養,不如話係有問題直接換返新比你,只要有登記同有單。(永久呀!)所有電頭髮既工具都唔好趺落地,但我永遠一定有機會唔小心跌落地。
 
而且呢類係無線產品,個電用耐左一定會差/壞,我諗除左唔見,我應該係有機會要換返支新既。門市仲有送半年既會藉,行過amika 可以叫佢地幫手set 頭。

 

我係考慮左好耐好耐,好想要支無線電髮夾。香港天氣愈黎愈熱,我呢d 頭髮日日要夾,又熱又濕既天氣,係好易令到d 頭熱扁返晒。(冬天d 頭髮都順直d啦)


如果有時要有d 造型,不論著到幾靚同化得幾好個妝,出街前個髮型係無問題嫁喔。
但出汗/落雨以及吹多幾下風等等,個髮型就變左不似人形,只要你個袋子夠放支無線直髮夾,就可以set 返好少少d 頭髮,然後同朋友自拍都無甘"出眾"嘛。我係d 頭髮油左扁左會無咩心機既人,哈哈。
市面上無線既電髮夾唔多,一係幾百蚊韓國牌子。

MOVOS I & MOVOS II 有咩分別?
搵到amika 呢1、2年推出過無線版本叫movos 系列,movos i 係舊版,香港已經無賣,但當年都係賣$3180。

新出既movos ii 同舊版最大分別係,個電會耐用d,舊電都係三星的鋰離子電池充電器。
同個電板再靚d,無甘"絕"頭髮,順D易夾D,(舊版個夾係金色,新版係銀色,外形由黑變左綠色有紋)
舊版依嫁外國網上賣大約USD150, 負評多過正評。

amika 就唔傷頭髮?
好多人甘講amika 唔傷頭髮,我覺得個比喻就好似有人同你講化妝唔傷皮膚。甘真係睇下你對你所用既產品有幾信任。
amika 既板因為可以相對地將熱力平均散開,唔會甘集中係髮絲,亦可以冷卻得更好,令電到既頭髮較持久,所以電完d 頭髮摸落去唔會話好熱。
 
但其實唔夾就唔傷,夾得就預左傷,只係無甘傷。

機身設計

呢隻無線直髮夾,得三個制。開關,加,減。

機頭係相對機身扁,對比有線既夾,個板範圍係少d..(sales 話個板同有線個d 一樣)

呢度有個lock 制實個夾,令個髮夾頭唔打開,方便放落袋同叉電。
 
一開,由100 度開始,每一個加為10度,最高200度。
由開機到200 度,大約要差唔多3分鍾!佢由100度一秒秒跳上去,由個銀板熱到所揀既溫度。
當個機頭去到你較既200 度,藍燈就會變左綠燈。
數字左手邊方有一格格電量顯示。
非常耐,我用開既有線離子夾160度都只需要5,6秒。呢個夾既200度,好似我平時用既夾既150-160度甘上下,我頭髮髮質太差,amika必須要200度先有力。
 
留意返,佢成個電量以最高200度計,都可能撐得廿幾分鐘,所以開機真係好耐。呢張圖係真係計開機到著綠燈200度既計時。
前後效果
 
點解話快速夾完呢,因為佢係好快無電!!!
我諗200 度可能只可以用到大約十幾廿分鐘嫁咋。
所以如果好長頭髮並非岩用,只可以充夠電用,唔可以邊用邊叉電。

叉電情況


佢係有個叉電,一叉要成個幾鍾!會著藍燈寫住CHR

叉滿,燈會熄,會寫住FUL
 (後面個小黃人係咪好sharp 醒呢^^)

亦都可以唔要個座,直接叉個機既尾端。

佢除左電非常快用完,佢既制距都有問題。

甘拎係好易high 到個加溫度既制,

佢就會好似hang 左機甘唔著燈,再等預熱到你所加既溫度。

總結
呢支野呢,我係用唔到好評負評評論,係用不願置評。
真係專for 出街用,佢又真係做足晒你要用既出街功能。如果你諗住平時係屋企用,真係會用到好火。太快無電啦,佢係唔可以邊叉電邊夾頭髮。
 
如果佢比有線夾會輸,真係熱得慢同唔夠熱。
如果佢比其他牌子無線夾比,應該係相當高效好多,又相對較熱同持久。
 
同埋必需帶埋個圖中黑色抗熱袋仔,買個陣會送埋,正價大約二百幾,如果唔係你個手袋熱熔都似。
 
我諗愈黎愈多人對無線既直髮夾需求增加,再過多一兩年,科技再進步解決到個電量既問題,應該會有更多牌子選擇。

 

 
 
>