目錄 登入會員 購物車 {{currentCart.getItemCount()}}

今次係寫我最愛既化妝品牌bareMinerals 。佢係以礦物粉為主打,有埋護膚品,基本上佢所有粉既產品我都會買(但得幾樣護膚品買過)如果想入門試礦物粉,可以試下呢個品牌,因為香港好易搵到,BA 大部分都好nice

今次佢地新出左新粉 barePRO Powder高效無瑕透氣粉底,係外國好多人推!!我都懷住好高期望呀!!!
我呢set 外國訂返黎,係平d 但風險高,粉狀有機會碎。
門市買,佢會打開比你check 左。最緊要試色同教點用,不過我太清楚我用佢d 粉既色號xD

 

一如以往,佢一定會出支掃配返隻粉嫁啦(唔係一定要買,但買左效果會好d 既講法囉)
粉:HKD300
掃:HKD260
但其實里面又有個樸,方便補妝。
 
 
採用獨特「微網孔技術」,以不同大小的圓球形粒子組成幼滑粉末,中間的空隙讓肌膚毛孔得以呼吸,締造極緻「輕.透.薄」妝感。 富含90%維他命及礦物成分(例如維他命B6、C、E、雲母、二氧化矽、氧化鐵及二氧化鈦等),實驗證實持續使用能有效提升肌膚透亮度,淨化肌膚、紓緩泛紅、均勻膚色、收細毛孔同時減少油光,讓妳化妝同時護膚。 質感幼細絲滑而不〝CAKE〞粉,12小時持久完美遮瑕,無懼於高清鏡頭下展現無瑕透薄啞緻妝容。 備有10款真我色調,與肌膚原色自然融合。
 
 
呢隻新粉話唔cake 粉,我都好想試所以買左。


因為之前係韓國買左太多化妝品,我都遂件試。

先試呢個cushion 版既有色base,唔同膚質要求又唔同色,粉紅係調白明亮膚色。

 
 
etude house  Any Cushion Color Corrector

HKD178 (我係韓國買,呢個係香港官網價)
 
帶濕但唔笠,好過一般既調色base,上左面都唔會太白,最重要係透薄!
佢有4色for 唔同需要既肌膚。
 
到佢出場啦,以打圈方式掃D 粉上面。
而呢個掃既特色就係:中間白d 既毛係可以集中抓緊粉底。

我用個陣,都唔知係咩xD, 最緊要快同方便,
打圈打圈,敲走少少粉,上面,完。
 
有一邊係好似霧化左,soft 左d.
雖然唔會話好明顯,始終礦物粉都係比較透薄,同其他類型粉底既遮瑕度相比,係會偏低。但佢絕對係岩粒粒既皮膚,令肌膚負擔無甘重。
 
我比較相信負擔較少既粉底,雖則無甘遮瑕,有時甚至係好似化左同無化甘。好聽D 叫自然,唔好聽叫左化黎做咩?
但長遠黎講,都係比較健康,所以我一直係佢既死忠。
 
佢所講既三大賣點:
 
  • 唔cake 粉?
cake 嫁都,但又真係比其他粉cake 少左,應該都係我個人問題。再加上,我用左個較濕既cushion base 試。我試左其他cream 狀同無甘濕既base,係會再cake 少d 粉.
當然,化妝始終係化妝,護好膚先可以用好化妝品,化妝品唔會即時變左BB 仔皮膚啦,都係好睇返皮膚本身。
 
  • 12小時完美遮瑕?
呢句係唔係吹大左?哈哈!一來佢唔係完美遮瑕,但比佢旗下其他粉狀既粉係強左遮瑕!!
同埋春夏,開始濕同油,都有d 溶妝(唔嚴重),但我覺得係算幾補濕既。
 
  • 透薄啞緻?
算透薄但唔算太啞緻,如果base 帶濕摸上面有ddddd 笠,所以我會再加碎粉。
如果唔帶濕既base, 都需係t zone 同眼角加返少許碎粉即可。
 
 
 
話說五月頭去韓國入貨,搭凌晨機再加三十個鍾後先落妝訓(我做唔到素顏搭飛機,點都有dd 淡妝)。
甘樣直踩都係barePRO,完全唔覺得皮膚有負擔,又唔好以為甩晒,落妝係見到有粉。
 
真係入貨捱夜必備呀!!!!
 
>