目錄 登入會員 購物車 {{currentCart.getItemCount()}}

好!頭髮篇!呢篇係諗住染好sharp顏色or 有興趣了解下漂完頭髮既朋友仔睇下。因為我會以過黎人既角度講下體會,小提示漂頭髮前你要知既幾件事。


通常我地同髮型師講想染某隻色,次次都話要漂嫁喔。其實咪即係得返D 自然啡唔洗漂@@。我本身頭髮係超黑,為左染個灰白色,要漂3次頭,然後用成年先生返好既頭髮,真係爛髮。

 

 

首先,了解下咩叫漂頭髮同點解要漂,因為我唔係專業髮型師,我只係用我既理解簡單說明一下。

 

漂頭髮:要將頭髮既色素移除,將顏色變淺,愈淺既頭髮顏色就愈易得到你想到既顏色。

想像下,一張白紙,除左白色,你畫咩色都會出現個個色。

但係一張黑紙度,你一樣畫同白紙既顏色,係唔係出唔到你想要既色?所以,要視乎你想要咩顏色,而要漂幾重手or 次數(呢個係髮型師判斷),甘你D 頭髮先可以變成一張淺色既紙。做唔到白色紙,但要淺色紙,愈淺愈易得到你想要既色。

 

漂頭髮痛唔痛?

我諗如果師傅做得好,產品好,而個人頭皮唔係好敏感or 有傷口,正常係無感覺,好似平時染頭髮甘。

我極度強烈建議,漂頭髮唔好自己整,都係比錢搵專業人工處理。因為判斷唔到頭髮情況。漂一次大約2百幾,但有時可能要漂2次,極限係3次。(如果中間加左D 修護就再貴D)

 

漂完一次頭髮既顏色,就好似呢隻mk 金。

如果要染埋灰呀,藍呀,紫呀,用返之前白紙原理,呢樣都唔係好達到上色效果,所以,通常都係要再漂多次。mk 金再淺一度。

又唔好以為漂完就一得染到你想要既色,每個人頭髮唔同,仲有唔同程度既電染過,有機會有D 頭髮顏色係唔平均,有D 位係一達達深色,係漂左先睇到。髮型師會再建議隻色要點改變。

當一漂完,D 頭髮好似死左,好林,無晒彈性。

漂完既頭髮係之後都唔可以salon 電髮,唔洗晒錢,係電唔到。

漂完,染完,達到你所要既顏色,先放低千幾蚊。只係開端,惡夢正式開始。好,就算唔理人地點睇你,首先你好突出既頭髮顏色,化妝就好唔同。但染左頭髮一定要處理眉同化妝,唔係真係好病同好怪。

 

頭2-3日,頭髮唔覺得傷,D 顏色好sharp , 好似我要染灰白色,因為頭髮唔可以一開始上到呢隻色,髮型師會加藍色落去,由佢fade out 。由逐層變既藍,其實我好鍾意,但只係hold 左5~6日。好快,一頭白髮,係透晒既白髮,再過多十幾日,再慢慢變左橄欖綠,再變淺再變金。即係mk 金。

你以為完了吧?未完。


漂完頭,染到你想要既顏色,只係hold 到一個月左右。(已無計布丁頭呢個追加補染)

一係,個幾月後你再染。

一係,你自行keep 色耐d。


係有舒援既方案既:

 

  1. 唔好洗甘多頭,甩色速度減少,但佢D 色都會係空氣中fade out , 退色。無人會知你頭髮頭變成點。
  2. 用D 鎖色洗頭水,(係髮型品買個D),成支都係傑他他既紫藍色,防止去黃。
  3. 鎖色都唔係有效,再加埋有色洗頭水,即係紫色用紫色洗頭水甘,真係洗一次加一次色,大約10%顏色加左係頭髮度。呢招好好,有次紫紅頭髮,加色洗頭水,我洗完頭又變左少少唔同色,幾得意。最後係似iphone 既玫瑰金,係未必染到,同樣都留唔住。因為係甩色x 溝色出黎既效果。
  4. 再加強D,二星期一次,用有色焗油,即係有色洗頭水既加強版。


呢類既髮型用品係用到頭髮更干。本身已經好干好雜草><

最後,我諗我已經無護髮素令到我頭髮吹完仲有滑既感覺,簡單D, 爛晒。漂得既,基本上都要剪晒漂過既地方,我諗我要剪晒先得。

價錢方面:(2016年)

漂一次:$200~300

染單色:$400~500

漸變計雙色:$800~900

鎖色有色洗頭水250ml 左右:$150~200

焗油:$200

之後會自動買專業級護髮產品:$500~1500


錢都唔係最大阻力,最最最最傷係,D 頭髮目測都好干,好傷,頭髮好易折斷。漂已經傷,護理都以顏色為先,更傷,再keep 住染,唔知點講既傷。會斷同脫好多頭髮,長頭髮情況更加嚴重。呢個係最傷心T.T

 

就算染深色,一段時間,都係甩到金金地。又係循環,即係漂左既頭髮基本上係鎖唔住色,都會係甩,再染再甩。


睇人地相,覺得D 色好想試下,但背後係好麻煩,你又接唔接受到呢?好似人甘,你想得到,就係要付出,只係你決定前,可以參考多D。再平衝自己承唔承到呢個結果。唔好唔記得,學校/工作/家人/伴侶呢類因素。